Wikipedia brauch Fotoen a lancéiert dofir e Concours

RTL - 16.09.2011, 06:45 | Fir d'lescht aktualiséiert: 16.09.2011, 11:50 | 0 Commentaire(n)

Dofir huet Wikipedia elo e Concours lancéiert, bei deem och Lëtzebuerger Hobbyfotografe kënne matmaachen. Gesicht gi Fotoe vu Monumenter, Landschaften oder soss klasséierten Objekten aus dem Grand-Duché an der Belsch. D'Photographe kënnen hir Wierker op der Internetsäit wikilovesmonuments.be eraginn an et gëtt souguer eppes ze gewannen. De Concours leeft bis den 30. September an um Enn sicht e Jury déi Foto raus déi d'Motiv am beschten trëfft.

Fir Lëtzebuerg goufe schonn 233 Fotoen ageschéckt.

Et sinn e sëllesche Monumenter, Gebaier a Plaze gefrot fir Lëtzebuerg. Et gouf sech un der Lëscht vum Service des Sites et Monuments inspiréiert, déi der dann och um Site vum Concours fannt.

Um Internet fënnt een och eng detailléiert Lëscht vun den nationalen Monumenter déi gesicht gi pro Gemeng, mat Adress an zum Deel mat de geneeë Koordinate wou d'Monument ze fannen ass.

Zum Beispill si vill Schlässer a Buergen op der Lëscht, et gi Kierchen a Kapellen awer och méi exotesch Saachen, wéi den huele Bam op der Schanz, zu Osper eng Rei vu Beem. Eenzel Haiser sinn dobäi oder och nach fréier Kléischter.

Äre Commentaire