Doud vum Designer Tom Gloesener mat nëmme 36 Joer

RTL - 19.07.2012, 07:54 | Fir d'lescht aktualiséiert: 20.07.2012, 09:44 | 4 Commentaire(n)

De jonke Designer Tom Gloesener ass en Dënschdeg, no laanger Krankheet, mat nëmme 36 Joer gestuerwen.

Mat sengem laangjärege Frënn a Schoulkolleg, Silvano Vidale, hat hien 2000 d'Agence Vidale-Gloesener gegrënnt an den Design an d'Kommunikatioun zu Lëtzebuerg revolutionnéiert.
Zesummen hunn se d'Logoen an d'visuell Identitéite fir eng Rei kulturell Entitéite creéiert, déi de Graphic-Design am Grand-Duché markéiert hunn, nom Motto "einfach, mä efficace". Dorënner d'Logoe vun der Rockhal, d'Cinemathéik an d'Stater Muséeën oder nach viru kuerzem, d'Maquette vum neie Lëtzebuerg Land.

Den Tom Gloesener war 4 Joer laang President vun der Associatioun "Design Luxembourg" a Board Member vu BEDA (Bureau of European Design Associations).

Eng Mass fir den Tom Gloesener gëtt e Samschdeg, 21. Juli um 11.00 Auer zu Reisduerf zelebréiert.

Senger Famill a senge Frënn eist déifste Matgefill.


Är Condoleancen


D'Commentairë gi gelueden, ee Moment w.e.g.!