Weltpremière vum Film: "The Age of Stupid"
RTL - 22.09.2009, 15:45 - Fir d'lescht aktualiséiert: 26.09.2009, 09:05
Um Dënschdeg den Owend gouf e Film gewisen dee soll drop opmierksam maache wat mir grad mat eiser Welt maachen. A méi wéi 700 Kinoen an iwwer 50 Länner konnt de Public net just de Film gesinn, mee och e ganze Programm ronderëm, mat Leit ewéi de fréieren UNO Generalsekretär Kofi Anan, oder och dem Optrëtt vum Tom Yorke, dem Sänger vun der Musekgruppe Radiohead.
Zu Lëtzebuerg war dei Global Premiere vum Film The Age of Stupid op Invitatioun vu Greenpeace Lëtzebuerg, um Dënschden den Owend am Utopolis.
The Age of Stupid ass eng Mëschung tëscht Fiktioun an Dokumentaire, den Ausgankspunkt ass d'Joer 2055 wou en Archivist, ee vun de leschten Iwwerliewenden op der Welt, sech d'Fro stellt wéi et konnt esou wät kommen.
Hie sëtzt dee Moment an der Artkis déi schonn eng Zäitchen ouni Schnéi an Äis ass. Mat Videomaterial sicht hien an den Archive fir ze verstoe firwat keen eppes gemaach huet fir d'Welt ze retten an de Klimawandel an de Grëff ze kréien.
An der Haaptrolle den Pete Postlethwaite, ee vun de bedeitensten englesche Schaupsiller deen een och scho bei Jurassic Park, Romeo and Juliet, The Usual Suspects oder In The Name of the Father gesinn huet, also net där mannster een. Greenpeace Lëtzebuerg huet sech agesat dass de Film och bei eis ze gesinn ass.
De Programm ronderëm, dat heescht dass ganz verschidde Leit zu Wuert kommen an dat gëtt simlutan weltwäit gewisen, z.B den fréiere Generalsecretaire vun de Vereenten Natiounen, Kofi Annan, déi fréier Mënscherechtskommissarin Marie Robinson, mee och soss bekannt Politiker awer och Museker wei den Tom Yorke vu Radiohead deen wäert live optrieden oder de Moby maachen mat beim Event an och nach vill aner Acteuren an international renomméiert Kënschtler, an déi gesäit een och all um ganz flotte Site www.ageofstupid.net, wou och steet wéini de Film wou a wéiengem Land an a wéiengem Kino leeft. Natierlech intervenéieren och Klimawëssenschaftler zum Thema.
Weider Informatiounen iwwert de Film fënnt een op www.ageofstupid.lu, an dëse Samschden am Pisa dem Wëssensmagazin op der Télé wäerte mer d'Thema Klimawandel nach emol am Detail beliichten.
Är Commentairen
