Rekult 02: Eng Expo op enger Plaz, déi et muer net méi gëtt
RTL - 09.10.2009, 12:24 - Fir d'lescht aktualiséiert: 19.10.2009, 10:35
IUEOA hat dat schonn emol uganks vum Joer gemaach, an engem Eefamilienhaus zu Alzéng.
Dës Kéier proposéieren 20 Artisten, iwwer 2 Weekender, divers Aspekter vun der Nohaltegkeet kënschtleresch an Szen ze setzen.
All eenzele Raum vum Haus am Pafendall wäert een anert Thema beliichten, dat ganzt an engem didakteschen an interaktive Parcours.
Ugeschwat gëtt nieft der Ëmweltverschmotzung och de Recycling, d'Iessen, den Impakt vum CO2 Ausstouss oder och nach d'Biodiversitéit. Dat ganzt mat Installatiounen, Fotoen, Zeechnungen, Videoen a Musek. Dernieft setzt de Spectateur sech och mat der Geschicht vum Gebai ausenaner, wat an Zukunft Plaz wäert maache fir en Niddregenergiegebai, dem neien Zenter vun der Nohaltegkeet zu Lëtzebuerg.
Mat visuellen, grafeschen an auditive Wierker vum Birgit Thalau, Catarina Riccabona, Emilie Marc, Gaël, Hye Young Yun, Jenny Fischbach, Katia Frieders, Kerstin Thalau & Serge Lamesch, Max Mertens, Michel Fisch, Paul Killeen, romainSOussan, Sandy Lorente, Saskia Raux & Marc Scozzai, Steve Clement & Syn2cate, a Sven Becker
Concerte wärend der Expo coordinéiert vun SCHNURSTRAX Records:
De Läb, Cyclorama, Birdbones, Lofi VS Yikez!, SecretSpeech, Sug(r)cane, Plastic Pedestrian, The Tobacco Company, ReadyDot (dj set), The Tiquettesan , Rajivan Ayyapan,Sug(r)cane an anerer.
D'Expo kann ee kucke goen:
Freides de 16. Oktober vun 19 Auer un, VERNISSAGE
Samschden 17. a Sonnden 18. Oktober vu 14-20 Auer
Samschden 24. a Sonnden 25. Oktober vu 14-20 Auer
Visiten ëmmer Samschdes a Sonndes um 16.00 Auer
Wou? 6, rue Vauban, Pafendall
Spuert Benzinn an notzt Matfuergeleegenheeten, oder kommt mam Bus!
Fir den Acces op de Site a fir weider Informatiounen kuckt op www.iueoa.lu a www.meco.lu
GRATIS ENTREE
VIDEO: Avant-goût vu Rekult volume 02...VIDEO: De Reportage vum Anne Kaiffer op RTL Télé Lëtzebuerg Är Commentairen
