Wane: En neie Magazin zu Lëtzebuerg
RTL - 05.02.2010, 14:11 - Fir d'lescht aktualiséiert: 05.02.2010, 14:29
Är Meenung
iwwert d'Thema
53.85%
46.15%
13 Vote(n)
D’Ofkierzung steet fir „we are next“, also „mir sinn di Nächst“, oder „mir sinn d’Zukunft“? Di jonk Fra, di Wane lancéiert huet, huet op alle Fall eng gesond Portioun Optimissem, Selbstvertrauen, Energie.....
D’Francesca Gilibert ass zu Lëtzebuerg opgewuess, huet vun 2001 un an England „Film & Broadcast“ studéiert, war -hopp- 1 Joer a Frankräich -zack- nees an England, dertëscht zu New York. Méi ewéi 2 Joer hält et d’Francesca net op enger Plaz aus. Fir di 2 Openthalter zu New York hat si Sponsore gesicht a fonnt, dohanne Mënsche portraitéiert, di nach haut ënnert de Suite vun den Attaque vum 11. September leiden, ma di d’Welt vergiess huet. Nächst Statioun: Lëtzebuerg...e „Master in Entrepreneurship and Innovation“ op der Uni Lëtzebuerg packen....Wane lancéieren.
Wane: dat sinn tëscht 3....an 100 Leit. D’Francesca Gilibert, d’Grafikerin Cookie, den Illustrator Chong Chen an all déijéineg, déi eng Passioun hunn, déi matmaache wëllen. Reunioune ginn et keng, alles leeft iwwer Internet, Skipe, Telefon. Do spillt et keng Roll, dat Iddien a Remarquen aus China, New York, London, Paräis an der Schwäiz kommen.
D’Francesca Gilibert huet verstanen, dat hire Master aus hir nach keng richteg Business-Fra gemaach huet. Si ass also op der Sich no engem Marketingspezialist, fir dat si vu Wane och liewe kann. Fir de Rescht léiert si all Dag bäi. An d’Angscht huet si op d’Schëff geschéckt.....
Är Commentairen
